యాక్షన్ ప్రధానంగా.. అఖిల్‌ ‘హలో’ టీజ‌ర్ విడుద‌ల‌!

అక్కినేని అఖిల్‌ న‌టించిన‌ ‘హలో’ సినిమా టీజ‌ర్ ఈ రోజు విడుద‌లైంది. ఒక మేడపై నుంచి మ‌రో మేడపైకి దూకుతూ, విల‌న్ల‌తో పోరాడుతూ అఖిల్ తన మాస్ యాంగిల్‌ని చూపించాడు. ఈ టీజ‌ర్‌ను పూర్తిగా బ్యాక్ గ్రౌండ్ మ్యూజిక్ మీద కట్ చేశారు. చివర్లో మాత్రం 'హ‌ల్లో' అంటూ అఖిల్ వాయిస్ వినపడుతుంది. ముఖ్యంగా ఇందులో అఖిల్ సాహ‌సాల‌ను హైలైట్ చేసి చూపించారు.

'మనం' ఫేం విక్రమ్‌ కె.కుమార్ ఈ సినిమాకి దర్శకత్వం వ‌హిస్తున్నాడు. ప్రముఖ దర్శకుడు ప్రియదర్శన్‌ కుమార్తె కల్యాణి ఈ సినిమా‌లో హీరోయిన్‌గా పరిచయం అవుతోంది. రొమాంటిక్‌, యాక్షన్‌ ఎంటర్‌టైనర్‌ గా ఇది రూపుదిద్దుకుంటోంది. ఈ సినిమాకు అనూప్‌ రుబెన్స్‌ సంగీతం అందిస్తున్నారు. ఈ సినిమాను వ‌చ్చేనెల‌ 22న ప్రేక్ష‌కుల ముందుకు తీసుకొస్తున్నారు.  

ఈ టీజ‌ర్ ప్రారంభంలో నాగార్జున ‘ద లక్కీయెస్ట్‌ పీపుల్‌ బోర్న్‌ ఆన్‌ దిస్‌ ఎర్త్‌. వాళ్లు మాత్రం ఎవరేం చేసినా, ఏం అడ్డు వచ్చినా, తన సోల్‌ మేట్‌ని కలుస్తారు. లైఫ్‌ని షేర్‌ చేసుకుంటారు’ అంటూ వాయిస్ ఓవర్ చెప్పారు.